Que é incendios.gal?
incendios.gal é un mapa cidadán onde a xente comparte en tempo real como vive os incendios forestais na súa zona.
Importante: esta web é un portal de información aberta e cidadá non oficial. Os datos son colaborativos e poden non estar verificados. Se ves lume, chama ao 085.
Como funciona
Calquera persoa pode subir imaxes e testemuño sobre incendios que ve ou vive, indicando:
- Onde está (localización manual no mapa)
- Que tipo de incidencia ve (lume, fumes, presenza de bombeiros, evacuacións...)
- Imaxes reais da situación
Por que é útil?
- Información cidadá directa — Sen intermediarios nin filtros
- Perspectiva humana — Como o vive a xente de verdade
- Tempo real — Actualización inmediata
- Complemento ás fontes oficiais
Obxectivo
Dar voz ao pobo galego durante os incendios e crear un arquivo visual e testimonial de como estas emerxencias afectan ás nosas vidas.
Impacto
Na temporada de 2025, nos 30 días tras a apertura do portal (16 de agosto de 2025), a páxina web recibiu un total de 28.886 usuarios únicos e 112.356 páxinas vistas. Enviáronse un total de 241 documentos gráficos xeolocalizados.
Un proxecto de Anxo Sánchez para Orgullo Galego e Medra co teu Negocio.
Con toda a nosa forza a veciñas/os, bombeiros e voluntarios que están a loitar contra os lumes.